ለመራመድ ለመተካት የሚሆን ተሸከርካሪ ያለው ወንበር ተሸከርካሪ ወንበር ይባላል፡፡ የአካል ጉዳት ላለባቸው፣እድሜያቸው እጅግ ለገፋ ሰዎች እና መራመድ ለሚከብዳቸው ህፃናት ጥቅም ይሰጣሉ፡፡ እነዚህ ቁሶች ራሳቸውን የሚያሽከረክሩ፣በሞተር የሚሽከረከሩ፣በተሳታፊ እርዳታ (ግፊት) የሚንቀሳቀሱ ናቸው፡፡

የመጀመሪያው ተሸከርካሪ ወንበር በ1595 የተሰራ ሲሆን ፊሊፕ ለተባለው የስፔን ንጉስ የተሰራ ነበር፡፡ በመቀጠል በ1655፤ ስቴፈን ፋርፍለር ባለሶስት ተሽከርካሪ ቻሲስ፣ራሱን የሚያሽከረክር ተሽከርካሪ ሰራ፡፡ በ1783 የባዝ ታወኑ ጆን ዳውሰን ባዝ ተሽከርካሪ ወንበር የተባለውን ተሽከርካሪ ወንበር ፈጠረ፡፡ ወንበሩ ሁለት ትላልቅ ተሽከርካሪዎችና አንድ አነስተኛ ተሽከርካሪ ያለው ነው፡፡ የመጀመሪያው ባለሞተር ተሽከርካሪ ወንበር በ1916 በብሪታኒያ መሃንዲሶች የተሰራ ሲሆን በ1932 ሃሪ ጄኒንግስ የመጀመሪያውን ታጣፊ ተሽከርካሪ ወንበር ሰርቷል፡፡

የተለያዩ የተሽከርካሪ ወንበር አይነቶች

የተለያዩ የተሽከርካሪ አሉ፡፡ ተሽከርካሪ ወንበሮችን ለመንቀሳቀስ በሚጠቀሙበት ሀይል መከፋፈል ይቻላል፡፡ ተሽከርካሪ ወንበሮች በሁለት ይከፈላሉ፡፡

  • የእጅ ተሽከርካሪ ወንበር
  • በኤሌክትሪክ ጉልበት የሚሰራ ተሽከርካሪ ወንበር

የእጅ ተሽከርካሪ ወንበር

እነዚህ በሰው ጉልበት የሚንቀሳቀሱ፤ በራሳቸው ተሽከርካሪ የሚጠቀሙ ወይም በአጋዥ የሚሽከረከሩ ናቸው፡፡ እነዚህ ተሽከርካሪ ወንበሮች በተለምዶ አገልግሎቱ የሚያስፈልጋቸው ተሳፈሪዎችን ወደ መቀመጫ ቦታው ለመውሰድ ያገለግላሉ፡፡ ተሽከርካሪ ወንበሮቹ ለመጓዝ  ክፈፍ ያለው ትላልቅ የኃላ ተሽከርካሪ፣ቅርፅ የተሰጠው መቀመጫ፣ቀላል ክብደት፣መግፊያ እጀታ፣የጀርባ ማሳረፊያ ድጋፍ እና የእጅ ፍሬን በሌለው ሁኔታ የተነደፉ ናቸው፡፡ የእጅ ተሽከርካሪ ወንበር በሁለት ይከፈላል፡፡ እነዚህም

  • ቀጥያለ(ግትር) ተሽከርካሪ ወንበር
  • ታጣፊ ተሽከርካሪ ወንበር

በኤሌክትሪክ ጉልበት የሚንቀሳቀስ ተሽከርካሪ ወንበር

በኤሌክትሪክ በሚሰራ ሞተር ያለው ተሽከርካሪ ወንበር ሲሆን ይህ ተሽከርካሪ ወንበር የመምሪያ መቆጣጠሪያ ያስፈልገዋል፡፡ አብዛኛውን ጊዜ በእጅ ማስደገፊያ ላይ የሚገጠም በመጠን ትንሽ ጆይ ስቲክ ይሆናል፡፡ ይህን በእጅ በመነካካት የሚሰራ ጆይስቲክ መጠቀም ለማይችሉ ሰዎች በጭንቅላት ለመጠቀም የሚቻል ማብሪያ ማጥፊያ እና በአገጭ ለመጠቀም የሚቻል ጆይስቲክ ያላቸው ናቸው፡፡ ሌሎች ልዩ የሆኑ መቆጣጠሪያዎች ራሱን ለቻለ የተሽከርካሪ ወንበር አሰራር ሊቀርቡ ይችላሉ፡፡ ሞተር የተገጠመላቸው ተሽከርካሪ ወንበሮች እጅን በመጠቀም ማሽከርከር ለማይችሉ ወይም በእጅ እያንቀሳቀሱ ለመጓጓዝ የሚያዳግት ረጅም ርቀት ለሚጓዙ አስፈላጊ ናቸው፡፡ እነዚህ ተሽከርካሪ ወንበሮች የተለመደ አድካሚ ጉዞ ለሚያደርጉ ባቻ ሳይሆን የልብ ስርዓት መዛባት ህመም ለሚያጠቃቸውም ሰዎች ጥቅም ላይ ይውላል፡፡     

ግትር መቃን ያለው ተሽከርካሪ ወንበር ጥቅሞች 

  • አካል ክፍሎቹ ከአሉሚኒየም ቅይጥ ስለሚሰሩ ለማደስ አነስተኛ ወጪ ይጠይቃል
  • ከፍተኛ ክብደቶችን ማስተናገድ መቻል
  • አነስተኛ ክብደት  
  • አነስተኛ ዋጋ(በቀላሉ የሚገኝ)

ግትር መቃን ያለው ተሽከርካሪ ወንበር ጉዳት

  • አለመተጣጠፍ (የተጨማሪ ስፍራ ማስፈለግ)
  • እንደ አስፈላጊነቱ የማይስተካከል የጀርባ መደገፊያ እና የእጅ ማሳረፊያ
  • ወደኃላ መሄድን ማስቆሚያ መጥፋት
  • እንደ አስፈላጊነቱ የማይስተካከል ምግብ ማስቀመጫ

የባለንብርብር መቃን ተሽከርካሪ ወንበር ጥቅሞች

  • ተጣጣፊው አነስተኛ የሆነ ስፍራ መያዙ
  • አነስተኛ ስፍራ ስለሚፈልግ ለማጓጓዝ ቀላል መሆኑ
  • መከዳ ያለው የጀርባ መደገፊያ እና እንደ አስፈላጊነቱ የሚስተካከል የእግር ማሳረፊያ
  • ጉድለት ወይም እንከን ቢኖር እንኳን መስተካከል የሚችል ንድፍ

የባለንብርብር መቃን ተሽከርካሪ ወንበር ጉዳቶች

  • የሚለጠጥ የጀርባ መደገፊያ ስላለው ተደጋጋሚ ጫና ይፈጥራል
  • አካሉ ከማይዝግ አረብ ብረት ስለሚሰራ ክብደቱ ከፍ ያለ ይሆናል
  • ቅጥ ካጣ አካባቢ ጋር ንክኪ በሚፈጥርበት ጊዜ ዘላቂነቱን ማጣት
  • የእድሳት ወጪው ከፍ ያለ ነው

የሰው ሰፍራ ልኬት እና ስነምቾት

ስነምቾት ሰው በሚኖርበት አካባቢ ካሉ አካላት ጋር ያለውን መስተጋብር የሚያሳይ ሳይንሳዊ    ማሳያ ነው፡፡ ስነምቾት የጤና እና ምርታማነትን ግቦች ለማሟላት የሚያገለግል ነው፡፡

የተሽከርካሪ ወንበር ተጠቃሚዎች እና ስነምቾት

የተሽከርካሪ ወንበር ስነምቾት ከተሽከርካሪ ወንበሩ ስነእንቅስቃሴ እና ከተጠቃሚው አካላዊ ሁኔታ ጋር የተዛመደ ነው፡፡ ስነምቾትን ጠብቆ ንድፍ የወጣለት ተሽከርካሪ ወንበር ለረጅም ጊዜ አገልግሎት በመስጠት የሚመጣ ውጥረትን ይቀንሳል፡፡ በተሽከርካሪ ወንበር ላይ ያለ ስነምቾት አራት ቁልፍ መስፈርትን ከግምት ያስገባል፡፡ እነዚህም ጉልበት፣ድግግሞሽ፣ቆይታ እና አቋም ናቸው፡፡

በተሸከካሪ ወንበር ላይ አስፈላጊ እና ትልቅ ሚና የሚጫወተው መቀመጫው ነው፡፡ ስለዚህም የተሽከርካሪ ወንበርን ምቹነት ምርጥ የሚባለው ደረጃ ላይ ለማድረስ አበዛኛውን ትኩረት ለመቀመጫው ንድፍ ይሰጣል፡፡ይህ አውራ ህግ በሁሉም አይነቶች ላይ የሚሰራ ሲሆን በዋናነት የመቀመጫውን ልኬት ለመወሰን ጥቅም ላይ ይውላል፡፡

የፅንሰ ሃሳብ ግኝት

የምርት ንድፍ ዝርዝር እና ጥራት ያለው ገቢር ማሰማራት እነዚህ የደንበኛን ፍላጎት ድምፅ ፍሬነገር በግልፅ ማብራሪያ ያስረዳሉ

የደንበኛ ፍላጎት ድምፅ
  • እንደአስፈላጊነቱ የሚስተካከል የእጅ ማስደገፊያ  
  • የተሻሻለ የጀርባ መደገፊያ ንድፍ
  • እንደአስፈላጊነቱ የሚስተካከል እና መከዳ ያለው የእግር ማሳረፊያ
  • የተሻሻለ የፍጥነት መቀነሻ (ፍሬን) ንድፍ
  • በርከት ያለ ጥቅም(አገልግሎት)
  • አነስተኛ ክብደት
  • አነስተኛ ዋጋ
  • ለማጓጓዝ ቀላል
ሙያዊ ድምፅ
  • የቁሳቁስ ለውጥ
  • ምቾት ያለው ንድፍ
  • ለመገልገል የሚመች
  • ክብደት
  • የአሰራር ዘዴ
  • ደህንነት
  • ኢኮኖሚን ያገናዘበ
ባህሪያትመግለጫዝርዝር
ልኬታዊ ዝርዝሮችበክፍት ቦታ ላይ ያለ ልኬትርዝመት=1140 ሚሜ ስፋት=700ሚሜ ቁመት=1250ሚሜ
ከታጠፈ በኃላ ያለ ልኬትርዝመት=1140 ሚሜ ስፋት=300ሚሜ ቁመት=1250ሚሜ
ስነ-ምቾትግምታዊ የተጣራ ክብደት24 ኪግ
ከፍተኛ የክብደት እርከንእስከ 190 ኪግ
ቁስቱቦ፣የሽክርክሪት ክፈፍ304 የሚባል መጠሪያ ኮድ ያለው አረብ ብረት
 መቀመጫ እና እጀታግትር ፕላስቲክ፣ጥጥ፣ቆዳ
ሽክርክሪትልኬትለኃላ ሽክርክሪት 610ሚሜ የሆነ ድፍን ጎማ ለፊተኛ ሽክርክሪት 210 ሚሜ የሆነ ድፍን ጎማ  
ደህንነትየታማሚ ደህንነትለስላሳ ገፅ እና የደህንነት ቀበቶ
ስነ-ውበትአካልለስላሳ እጥፋት፣ቀጥታ እና ስለታም ጠርዞች
 ቀለሞችነጭ፣ግራጫ፣ጥቁር(በብዛት)
ዋጋበአንድ ምርት ያለ ዋጋበግምት ከ5000 እስከ 7000
      ሰንጠረዥ 1. የምርት ንድፍ ዝርዝር እና ጥራት ያለው ገቢር ማሰማራት
መግለጫዝርዝር
እጅ ማስደገፊያ እግር ማስደገፊያበአግባቡ ምቾቱ የተጠበቀ የእጅ ማስደገፊያ እንደ አስፈላጊነቱ የሚስተካከል የእግር ማስደገፊያ
የአመራረት ሂደትመቁረጥ፣ማጠፍ፣መበየድ፣መሞረድ፣የምርቱን ክፍሎች መሙላት እና መገጣጠም
ስነ ምቾትየጭንቅላት ማሳረፊያ፣የእጅ ማሳረፊያ፣የእግር ማሳረፊያ
ደህንነትበአደጋ ጊዜ በቶሎ ማስቆም የሚችል ፍሬን፣ከስለታም ጠርዞች ነፃ የሆነ፣የማስጠንቀቂያ ደወል፣የአደጋ ጊዜ ብርሃን
ተጨማሪ ባህሪያትእንደ አስፈላጊነቱ የሚስተካከል የጉልበት ማስደገፊያ፣የውሃ ጠርሙስ ፣ምግቦችንና መፅሀፍትን መያዣ

Pin It on Pinterest

Share This