የተባበሩት መንግስታት የአካባቢ እና ልማት ኮሚሽን ቀጣይነት ያለውን ንድፍ በአሁን ጊዜ ካለው ትውልድ ጋር የሚጣጣም እና የቀጣዩን ትውልድ ፍላጎቱን የማሟላት አቅም የማይገድብ ብሎ ይገልፀዋል፡፡ በመሆኑም ቀጣይነት ሶስት መስፈሪያ አሉት፡፡ እነዚህም ኢኮኖሚያዊ፣ማህበራዊ እና አካባቢያዊ ናቸው፡፡ የፅሁፉ የትኩረት ነጥብ አካባቢያዊ ቀጣይነት ነው፡፡

በቅርብ ጊዜያት ኩባንያዎች እና ድርጅቶች ምርቶቻቸው የሚያሳድሩትን አሉታዊ ተፅዕኖ ለመቀነስ እየሰሩ ይገኛሉ፡፡ ይህን ለማድረግም የተለያዩ ዘዴዎች ተለይተዋል፡፡ የምርት ቀጣይነት የምርቱ ዕድሜ ርዝማኔ በአካባቢ ላይ የሚያመጣውን ተፅዕኖ ለመቀነስ ሲባል ከግምት ወስጥ መግባት አለበት፡፡

የአካባቢ እና የእድሜ ዑደት ንድፍ መሳሪያዎች ምርቱ በአካባቢ ላይ የሚያሳድረውን ተፅዕኖ እና ምርትን መልሶ የመጠቀም እና/ወይም የመፈታታት ለማነፃፀር ያግዛሉ፡፡ በንድፍ ሂደት ውስጥ በአካባቢ ላይ የሚያደርሰውን ተፅዕኖ ማነፃፀር እጅግ አስፈላጊ ነው፡፡ ብራስ(1997) ባሳተመው መፅሀፉ ውስጥ የቤት-ዕቃ አምራቾች የሚከተሉትን ጥያቄዎች ከግምት እንዲያስገቡ አሳስቧል፡፡

  • ንድፍ አውጪዎች የዑደት ህይወት ላይ አፅንኦት እንዲኖራቸው የሚያግዙ አይነት አዲስ መሳሪያዎች
  • እነዚህ ዘዴዎች እንዴት ከነባር እና በአግባቡ ከተመሰረተ የንድፍ ስርአት፣መሳሪያ እና ልምምድ ጋር ሊዋሃዱ ይችላሉ
  • መደራረብን እንዴት መቀነስ እንደሚቻል እና መረጃን በመሰብሰብና በማደራጀት እንዴት ቅልጥፍናን መጨመር ይቻላል

ኩባንያዎቹ የአካባቢ እና የኑሮ ዑደት ለማስተካከል የሚሆን ንድፍን ስራ ላይ ከማዋላቸው በፊት ለዚህ የሚሆን አደረጃጀት እና መሰረተልማት ማሟላት ይኖርባቸዋል፡፡ ይህ ሳይሆን ወደ ተግባር መግባት አሉታዊ መዘዝ ይኖረዋል፡፡ በመሆኑም እነዚህ መሳሪያዎች የንድፎቹን አካባቢያዊ ተፅዕኖ መቀነስ ብቻ ሳይሆን የምርት ስርአቱንም ማሻሻል ይኖርባቸዋል (ብራስ 1997 እ.አ.አ)፡፡  እንደ ውጤት፤ ኩባንያዎች ቀጣይነት ያለው ንድፍን የማሳካት ግብን እውን ለማድረግ የሚከተሉትን መመሪያዎች መከተል ይኖርባቸዋል፡፡ በስያሜ እንደተቀመጡትም

  • ቀላል – ለመጠቀም የሚቀል
  • በቀላሉ የሚገኝ – ምክንያታዊ የሆነ ዋጋ
  • በትክክል ተበያኝ – አጠቃቀሙ ግልፅ የሆነ
  • በገሃድ የሚታይ – ተመሳሳይ ውጤቶች መገኘት ይኖርባቸዋል
  • ተገቢ – በትክክል የተለካ፣የታሰበውን ነገር የሚጠቅስ እና የሚተነብይ
  • ጠንካራና ጤናማ – ብዙ ምላሽ በትግበራ ውስጥ ለሚመጡ ለውጦች አለመስጠት
  • ግንዛቤንና ትንበያን መጨመር

የመስሪያ ቁሳቁስ ምርጫ

ባለፉት አስርት አመታት አካባቢ ላይ ትኩረት ያደረጉ የህዝብ ፍላጎት እና ደንቦች በዓለምአቀፍ ገበያ ላይ ብዙ ለውጦች እንዲመጡ አድርገዋል፡፡ እነዚህ ፍላጎቶች እና ደንቦች አምራቾች የአመራረት መንገዳቸውንና ለአካባቢ ሃላፊነት በሚሰማው መንገድ እነዲሆን አድርጓል፡፡ የመሳሪያ ቁሳቁስ ምርጫ ወሳኝ ነው በመሆኑም ንድፍ አውጪዎች ቀዳሚ የምርቶች ንድፍን ከመጀመራቸው በፊት ቀሶቹ በአካባቢ ላይ የሚያደርሱትን ተፅዕኖ እንዲያጤኑ ያደርጋል፡፡

በአሁኑ ጊዜ አምራች ኩባንያዎች መስሪያ ቁሳቁስን ለመምረጥ የአካላዊ፣ኬሚካላዊ እና ስነ-ውበት እንዲሁም ዋጋ እና የመገኘት አዝማሚያን መሰረቱ ያደረገውን የተለመደውን ባህላዊ መስፈርት መገለጫ ሳይሆን አካታች ሀይል፣የካርበን ዱካ እና የተፈጥሮ ሀብት መሟጠጥን የሚያካትቱ አዳዲስ ግብአቶችን ይጠቀማሉ፡፡

እነዚህ ግብአቶች አዲስ እና የበለጠ ቀጣይነት ያለው የቁስ አጠቃቀም እና መልሶ አጠቃቀም አካባቢን የሚጎዳ ውጤትን ለመቀነስ ይረዳሉ፡፡ የሚከተለው አጠቃላይ ቁስ በአካባቢ ላይ ያለውን ተፅዕኖ ለማጤን የሚረዳ መግለጫ ነው፡፡

የቁስ ባህርይአነስተኛ አካባቢያዊ ተፅዕኖከፍተኛ አካባቢያዊ ተፅዕኖ
የጥሬ ዕቃ መገኘት አዝማሚያመልሶ ለመጠቀም የሚቻል እና/ወይም እንደልብ የሚገኝመልሶ ለመጠቀም የማይቻል እና/ወይም ብርቅ
ከምንጩ ያለው ርቀትቅርብሩቅ
አካታች ሀይልዝቅተኛከፍተኛ
ድግመ ዑደት በመቶኛ ሲገለፅከፍተኛዝቅተኛ
የልቀት ምረታዜሮ/ዝቅተኛከፍተኛ
የቆሻሻ ምረታዜሮ/ዝቅተኛከፍተኛ
የመርዘኛ እና ጠንቀኛ ነገሮች ምረታዜሮ/ዝቅተኛከፍተኛ
የተረፈ-ምርቶች ወደ ምርትነት ቅያሬከፍተኛዝቅተኛ
መልሶ ጥቅም መስጠትከፍተኛዝቅተኛ
የአገልግሎት ዘመኑን የጨረሰ ተረፈ ምርትዜሮ/ዝቅተኛከፍተኛ
መልሶ ለመጠቀም ያለው ቅለትከፍተኛዝቅተኛ

የቁስ ባሕሪያት

በአንድ ቁስ የህይወት ሂደት ውስጥ የተካተተው የሀይል መጠን የቁሱን አካባቢያዊ ደረጃ በመመዘን ውስጥ ቁልፍ ማስረጃ ነው፡፡ ሁሉም ቁሶች ከፀሀይ ተወስዶ በምድረ ዕብን ውስጥ የተያዘ ሀይልን ይወክላሉ፡፡ አንዳንድ ቁሶች ለማምረት ከሌሎቹ በበለጠ ሀይልን ይጠይቃሉ፡፡ ከእነዚህ ቁሶች ውስጥ አሉሚኒየም እንደ ምሳሌ መጠቀስ ይችላል፡፡ እነዚህ ቁሶች በከፍተኛ ደረጃ ሀይሉን አካተው የያዙ ናቸው፡፡

አብዛኞቹ ሰውሰራሽ እቃዎች ከአነስተኛ እስከ መካከለኛ ሀይልን ይይዛሉ፡፡ ከዚህ በታች ያለው አንዳንድ ቁሶች በውስጣቸው ያለውን የተካተተ የሀይል መጠን ይገልፃል፡፡

የቁስ አይነትመደበኛ የተካተተ ሀይል (በእያንዳንዱ ኪሎግራም ውስጥ ያለ የማክሮ ጁል መጠን)
በህይወተ ክበብ እና በምድረ ዕብን የሚገኙ ቁሶች 
የሴራሚክ ቁሶች2-4
እንጨት፣ቀርከሃ፣ቡሽ2-8
የተፈጥሮ ጎማ5-6
ጥጥ፣ቃጫ፣ሀር፣ሱፍ4-10
የእንጨት ቅይጦች6-12
ከፍተኛ እፍጋት ያለው አሉሚኒየም300-350
ቀላል የአሉሚኒየም ቅይጦች235-335
ሜላሚን120-150
ኢፖክሲ100-150
ናይሎን170-180
ወርቅ5600-6000
ፖሊኢታሊን85-120
ፖሊፕሮፓሊን90-115
ክውር ብረት34-66

ከፍተኛ ሀይል ያካተቱ የማምረቻ ቁሶች በምርት ሂደቱ ውስጥ አካባቢ የሚበክሉ፤ ከምርት በኃላ ደግሞ ቀጣይነት ያላቸው ናቸው፡፡

Pin It on Pinterest

Share This